uTh gai hain samne se kaisi kaisi suraten
roiye kis ke liye kis kis ka matam kijiye

Haidar Ali Aatish

---

---

maut se pahle jahan mein chand sanson ka azab
zindagi jo qarz tera tha ada kar aae hain

Haidar Qureshi

---

---

dard ko rahne bhi de dil mein dawa ho jaegi
maut aaegi to ai hamdam shifa ho jaegi

Hakim Mohammad Ajmal Khan Shaida

---

---

apne kandhon pe liye phirta hun apni hi salib
KHud meri maut ka matam hai mere jine mein

Haneef Kaifi

---

---

ai hijr waqt Tal nahin sakta hai maut ka
lekin ye dekhna hai ki miTTi kahan ki hai

Hijr Nazim Ali Khan

---

---

ai ajal ek din aaKHir tujhe aana hai wale
aaj aati shab-e-furqat mein to ehsan hota

Imam Bakhsh Nasikh

---

---

KHub-o-zisht-e-jahan ka farq na puchh
maut jab aai sab barabar tha

Imdad Imam Asar

---

---