maut na aai to 'alwi'
chhuTTi mein ghar jaenge

Mohammad Alvi

---

---

mujh ko malum hai anjam-e-mohabbat kya hai
ek din maut ki ummid pe jina hoga

Mubarak Azimabadi

---

---

miTTi ka badan kar diya miTTi ke hawale
miTTi ko kahin taj-mahal mein nahin rakkha

Munawwar Rana

---

---

zindagi se to KHair shikwa tha
muddaton maut ne bhi tarsaya

Naresh Kumar Shad

---

---

jo log maut ko zalim qarar dete hain
KHuda milae unhen zindagi ke maron se

Nazeer Siddiqui

---

---

KHak aur KHun se ek shama jalai hai 'nushur'
maut se hum ne bhi sikhi hai hayat-arai

Nushur Wahidi

---

---

shukriya ai qabr tak pahunchane walo shukriya
ab akele hi chale jaenge is manzil se hum

Qamar Jalalvi

---

---