nashsha tha zindagi ka sharabon se tez-tar
hum gir paDe to maut uTha le gai hamein

Irfan Ahmad

---

---

maut bar-haq hai ek din lekin
nind raaton ko KHub aati hai

Jamal Owaisi

---

---

us gali ne ye sun ke sabr kiya
jaane wale yahan ke the hi nahin

Jaun Eliya

---

---

maut kya ek lafz-e-be-mani
jis ko mara hayat ne mara

Jigar Moradabadi

---

---

meri zindagi to guzri tere hijr ke sahaare
meri maut ko bhi pyare koi chahiye bahana

Jigar Moradabadi

---

---

zindagi ek hadsa hai aur kaisa hadsa
maut se bhi KHatm jis ka silsila hota nahin

Jigar Moradabadi

---

---

is wahm se ki nind mein aae na kuchh KHalal
ahbab zer-e-KHak sula kar chale gae

Josh Malsiani

---

---