log achchhe hain bahut dil mein utar jate hain
ek burai hai to bas ye hai ki mar jate hain

Rais Farogh

---

---

kahani KHatm hui aur aisi KHatm hui
ki log rone lage taliyan bajate hue

Rehman Faris

---

---

maut aa jae qaid mein sayyaad
aarzu ho agar rihai ki

Rind Lakhnavi

---

---

ote jo aae the rula ke gae
ibtida intiha ko rote hain

Riyaz Khairabadi

---

---

meri nash ke sirhane wo khaDe ye kah rahe hain
ise nind yun na aati agar intizar hota

Safi Lakhnavi

---

---

maut kahte hain jis ko ai 'saghar'
zindagi ki koi kaDi hogi

Saghar Siddiqui

---

---

zamana baDe shauq se sun raha tha
hamin so gae dastan kahte kahte

Saqib Lakhnavi

---

---