ek aisi bhi tajalli aaj mai-KHane mein hai
lutf pine mein nahin hai balki kho jaane mein hai

Asghar Gondvi

---

---

ind jo zarf uTha len wahi saghar ban jae
jis jagah baiTh ke pi len wahi mai-KHana bane

Asghar Gondvi

---

---

chhoD kar kucha-e-mai-KHana taraf masjid ke
main to diwana nahin hun jo chalun hosh ki rah

Baqaullah u0027Baqau0027

---

---

na tum hosh mein ho na hum hosh mein hain
chalo mai-kade mein wahin baat hogi

neither are you in your senses nor am I in mine
let us now go to the tavern and talk while we have wine

Bashir Badr

---

---

pyar hi pyar hai sab log barabar hain yahan
mai-kade mein koi chhoTa na baDa jam uTha

Bashir Badr

---

---

waiz o mohtasib ka jamghaT hai
mai-kada ab to mai-kada na raha

Bekhud Badayuni

---

---

uh kis mast ki pyasi gai mai-KHane se
mai uDi jati hai saqi tere paimane se

Dagh Dehlvi

---

---