koi din aage bhi zahid ajab zamana tha
har ek mohalle ki masjid sharab-KHana tha

Qayem Chandpuri

---

---

mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota

Riyaz Khairabadi

---

---

mai-KHane mein mazar hamara agar bana
duniya yahi kahegi ki jannat mein ghar bana

Riyaz Khairabadi

---

---

shaiKH us ki chashm ke goshe se goshe ho kahin
us taraf mat jao nadan rah mai-KHane ki hai

Shaikh Zahuruddin Hatim

---

---

duKHt-e-raz aur tu kahan milti
khinch lae sharab-KHane se

Sharaf Mujaddidi

---

---

'zauq' jo madrase ke bigDe hue hain mulla
un ko mai-KHane mein le aao sanwar jaenge

Sheikh Ibrahim Zauq

---

---