aKHir waqt hai kis munh se jaun masjid ko
tamam umr to guzri sharab-KHane mein

Hafeez Jaunpuri

---

---

mai-KHane ki samt na dekho
jaane kaun nazar aa jae

Hafeez Merathi

---

---

mai-kade mein nashsha ki ainak dikhati hai mujhe
aasman mast o zamin mast o dar-o-diwar mast

Haidar Ali Aatish

---

---

chashm-e-saqi mujhe har gam pe yaad aati hai
rasta bhul na jaun kahin maiKHane ka

Iqbal Safi Puri

---

---

koi samjhae ki kya rang hai maiKHane ka
aankh saqi ki uThe nam ho paimane ka

Iqbal Safi Puri

---

---

ahaar aate hi Takrane lage kyun saghar o mina
bata ai pir-e-mai-KHana ye mai-KHanon pe kya guzri

Jagan Nath Azad

---

---

ye mai-KHana hai bazm-e-jam nahin hai
yahan koi kisi se kam nahin hai

Jigar Moradabadi

---

---