kabhi to dair-o-haram se tu aaega wapas
main mai-kade mein tera intizar kar lunga

Abdul Hamid Adam

---

---

main mai-kade ki rah se ho kar nikal gaya
warna safar hayat ka kafi tawil tha

Abdul Hamid Adam

---

---

mai-kada hai yahan sakun se baiTh
koi aafat idhar nahin aati

Abdul Hamid Adam

---

---

tauba khaDi hai dar pe jo fariyaad ke liye
ye mai-kada bhi kya kisi qazi ka ghar hua

Ahmad Husain Mail

---

---

din raat mai-kade mein guzarti thi zindagi
'aKHtar' wo be-KHudi ke zamane kidhar gae

Akhtar Shirani

---

---

masjid mein bulate hain hamein zahid-e-na-fahm
hota kuchh agar hosh to mai-KHane na jate

Ameer Minai

---

---

teri masjid mein waiz KHas hain auqat rahmat ke
hamare mai-kade mein raat din rahmat barasti hai

Ameer Minai

---

---