main chup raha ki wazahat se baat baDh jati
hazar shewa-e-husn-e-bayan ke hote hue

Iftikhar Arif

---

---

jo chup raha to wo samjhega bad-guman mujhe
bura bhala hi sahi kuchh to bol aaun main

Iftikhar Imam Siddiqi

---

---

wo bolta tha magar lab nahin hilata tha
ishaara karta tha jumbish na thi ishaare mein

Iqbal Sajid

---

---

olte kyun nahin mere haq mein
aable paD gae zaban mein kya

Jaun Eliya

---

---

KHamoshi se ada ho rasm-e-duri
koi hangama barpa kyun karen hum

Jaun Eliya

---

---

mustaqil bolta hi rahta hun
kitna KHamosh hun main andar se

Jaun Eliya

---

---

ghaDi jo bit gai us ka bhi shumar kiya
nisab-e-jaan mein teri KHamushi bhi shamil ki

Javed Nasir

---

---