zor qismat pe chal nahin sakta
KHamushi iKHtiyar karta hun

Aziz Hyderabadi

---

---

'baqi' jo chup rahoge to uTThengi ungliyan
hai bolna bhi rasm-e-jahan bolte raho

Baqi Siddiqui

---

---

jo sunta hun sunta hun main apni KHamoshi se
jo kahti hai kahti hai mujh se meri KHamoshi

Bedam Shah Warsi

---

---

mujhe to hosh na tha un ki bazm mein lekin
KHamoshiyon ne meri un se kuchh kalam kiya

Behzad Lakhnavi

---

---

har taraf thi KHamoshi aur aisi KHamoshi
raat apne sae se hum bhi Dar ke roe the

Bharat Bhushan Pant

---

---

KHamoshi mein chahe jitna begana-pan ho
lekin ek aahaT jaani-pahchani hoti hai

Bharat Bhushan Pant

---

---

sabab KHamoshiyon ka main nahin tha
mere ghar mein sabhi kam bolte the

Bharat Bhushan Pant

---

---