خموش رہنے کی عادت بھی مار دیتی ہے
تمہیں یہ زہر تو اندر سے چاٹ جائے گا

عابد خورشید

---

---

دور خاموش بیٹھا رہتا ہوں
اس طرح حال دل کا کہتا ہوں

آبرو شاہ مبارک

---

---

شور سا ایک ہر اک سمت بپا لگتا ہے
وہ خموشی ہے کہ لمحہ بھی صدا لگتا ہے

عدیم ہاشمی

---

---

ہم نے اول تو کبھی اس کو پکارا ہی نہیں
اور پکارا تو پکارا بھی صداؤں کے بغیر

احمد عطا

---

---

چپ چاپ اپنی آگ میں جلتے رہو فرازؔ
دنیا تو عرض حال سے بے آبرو کرے

احمد فراز

---

---

میں تیرے کہے سے چپ ہوں لیکن
چپ بھی تو بیان مدعا ہے

احمد ندیم قاسمی

---

---

بول پڑتا تو مری بات مری ہی رہتی
خامشی نے ہیں دئے سب کو فسانے کیا کیا

اجمل صدیقی

---

---