khula hai dar pa tera intizar jata raha
KHulus to hai magar e'tibar jata raha

Javed Akhtar

---

---

jise na aane ki qasmen main de ke aaya hun
usi ke qadmon ki aahaT ka intizar bhi hai

Javed Naseemi

---

---

kabhi is rah se guzre wo shayad
gali ke moD par tanha khaDa hun

Junaid Hazin Lari

---

---

kaun aaega yahan koi na aaya hoga
mera darwaza hawaon ne hilaya hoga

Kaif Bhopali

---

---

teri aamad ki muntazir aankhen
bujh gain KHak ho gae raste

Khaleel Tanveer

---

---

ab in hudud mein laya hai intizar mujhe
wo aa bhi jaen to aae na aitabar mujhe

Khumar Barabankavi

---

---

o jaane wale aa ki tere intizar mein
raste ko ghar banae zamane guzar gae

Khumar Barabankavi

---

---