mujhe KHabar thi mera intizar ghar mein raha
ye hadsa tha ki main umr bhar safar mein raha

Saqi Faruqi

---

---

aadhi se ziyaada shab-e-gham kaT chuka hun
ab bhi agar aa jao to ye raat baDi hai

Saqib Lakhnavi

---

---

tere wade ko kabhi jhuT nahin samjhunga
aaj ki raat bhi darwaza khula rakkhunga

Shahryar

---

---

itna main intizar kiya us ki rah mein
jo rafta rafta dil mera bimar ho gaya

Shaikh Zahuruddin Hatim

---

---

muddat hui palak se palak aashna nahin
kya is se ab ziyaada kare intizar chashm

Shaikh Zahuruddin Hatim

---

---

muddat se KHwab mein bhi nahin nind ka KHayal
hairat mein hun ye kis ka mujhe intizar hai

Shaikh Zahuruddin Hatim

---

---

qurban sau tarah se kiya tujh par aap ko
tu bhi kabhu to jaan na aaya bajae id

Shaikh Zahuruddin Hatim

---

---