maut ka intizar baqi hai
aap ka intizar tha na raha

Fani Badayuni

---

---

ek raat wo gaya tha jahan baat rok ke
ab tak ruka hua hun wahin raat rok ke

Farhat Ehsas

---

---

wo chand kah ke gaya tha ki aaj niklega
to intizar mein baiTha hua hun sham se main

Farhat Ehsas

---

---

misal-e-shama jala hun dhuan sa bikhra hun
main intizar ki har kaifiyat se guzra hun

Fazil Jamili

---

---

ek umr kaT gai hai tere intizar mein
aise bhi hain ki kaT na saki jin se ek raat

Firaq Gorakhpuri

---

---

koi aaya na aaega lekin
kya karen gar na intizar karen

she came not, nor is likely to
save waiting what else can I do

Firaq Gorakhpuri

---

---

na koi wada na koi yaqin na koi umid
magar hamein to tera intizar karna tha

no promise,surety, nor any hope was due
yet I had little choice but to wait for you

Firaq Gorakhpuri

---

---