tere aane ki kya umid magar
kaise kah dun ki intizar nahin

Firaq Gorakhpuri

---

---

ai gardisho tumhein zara taKHir ho gai
ab mera intizar karo main nashe mein hun

Ganesh Bihari Tarz

---

---

un ke aane ke baad bhi 'jalib'
der tak un ka intizar raha

Habib Jalib

---

---

tamam umr tera intizar hum ne kiya
is intizar mein kis kis se pyar hum ne kiya

Hafeez Hoshiarpuri

---

---

wo mujhe chhoD ke ek sham gae the 'nasir'
zindagi apni usi sham se aage na baDhi

Hakeem Nasir

---

---

kahin wo aa ke miTa den na intizar ka lutf
kahin qubul na ho jae iltija meri

let her not come to me and this pleasure destroy
let not my prayers be answered, for waiting is a joy

Hasrat Jaipuri

---

---

gham-e-jahan ko sharmsar karne wale kya hue
wo sari umr intizar karne wale kya hue

Iftikhar Arif

---

---