aap ka e'tibar kaun kare
roz ka intizar kaun kare

who can depend on what you say?
who will wait each every day?

Dagh Dehlvi

---

---

ghazab kiya tere wade pe e'tibar kiya
tamam raat qayamat ka intizar kiya

Dagh Dehlvi

---

---

gulon mein rang bhare baad-e-nau-bahaar chale
chale bhi aao ki gulshan ka karobar chale

Faiz Ahmad Faiz

---

---

jaanta hai ki wo na aaenge
phir bhi masruf-e-intizar hai dil

Faiz Ahmad Faiz

---

---

kab Thahrega dard ai dil kab raat basar hogi
sunte the wo aaenge sunte the sahar hogi

Faiz Ahmad Faiz

---

---

wo aa rahe hain wo aate hain aa rahe honge
shab-e-firaq ye kah kar guzar di hum ne

Faiz Ahmad Faiz

---

---

ye dagh dagh ujala ye shab-gazida sahar
wo intizar tha jis ka ye wo sahar to nahin

Faiz Ahmad Faiz

---

---