e-KHudi le gai kahan hum ko
der se intizar hai apna

Mir Taqi Mir

---

---

nahin hai der yahan apni jaan jaane mein
tumhaare aane ka bas intizar baqi hai

Mirza Asman Jah Anjum

---

---

chaman mein shab ko ghira abr-e-nau-bahaar raha
huzur aap ka kya kya na intizar raha

Mirza Shauq Lakhnavi

---

---

tum aa gae ho to mujh ko zara sambhalne do
abhi to nashsha sa aankhon mein intizar ka hai

Mohammad Ahmad Ramz

---

---

tum aa gae ho tum mujh ko zara sambhalne do
abhi to nashsha sa aankhon mein intizar ka hai

Mohammad Ahmad Ramz

---

---

dekha na hoga tu ne magar intizar mein
chalte hue samay ko Thaharte hue bhi dekh

Mohammad Alvi

---

---

hai kis ka intizar ki KHwab-e-adam se bhi
har bar chaunk paDte hain aawaz-e-pa ke sath

Momin Khan Momin

---

---