ishq ko naghma-e-ummid suna de aa kar
dil ki soi hui qismat ko jaga de aa ka

Akhtar Shirani

---

---

mani hain main ne saikaDon baaten tamam umr
aaj aap ek baat meri man jaiye

All my life I have agreed to everything you say
merely one request of mine please accept today

Ameer Minai

---

---

mere ghar ke tamam darwaze
tum se karte hain pyar aa jao

Anwar Shuoor

---

---

ishq mein shikwa kufr hai aur har iltija haram
toD de kasa-e-murad ishq gadagari nahin

Asar Rampuri

---

---

na durweshon ka KHirqa chahiye na taj-e-shahana
mujhe to hosh de itna rahun main tujh pe diwana

Bahadur Shah Zafar

---

---

qubul is bargah mein iltija koi nahin hoti
ilahi ya mujhi ko iltija karna nahin aata

Chiragh Hasan Hasrat

---

---

aao mil jao ki ye waqt na paoge kabhi
main bhi ham-rah zamane ke badal jaunga

Dagh Dehlvi

---

---