phir baiThe baiThe wada-e-wasl us ne kar liya
phir uTh khaDa hua wahi rog intizar ka

Ameer Minai

---

---

lagi rahti hai ashkon ki jhaDi garmi ho sardi ho
nahin rukti kabhi barsat jab se tum nahin aae

Anwar Shuoor

---

---

ye intizar nahin shama hai rifaqat ki
is intizar se tanhai KHub-surat hai

Arshad Abdul Hamid

---

---

mujh ko ye aarzu wo uThaen naqab KHud
un ko ye intizar taqaza kare koi

I had hoped she would unveil at her own behest
and she waits for someone to make a request

Asrar-ul-Haq Majaz

---

---

darwaza khula hai ki koi lauT na jae
aur us ke liye jo kabhi aaya na gaya ho

Athar Nafees

---

---

wo intizar ki chaukhaT pe so gaya hoga
kisi se waqt to puchhen ki kya baja hoga

Bashir Badr

---

---

kabhi dar par kabhi hai raste mein
nahin thakti hai intizar se aankh

Bashiruddin Ahmad Dehlvi

---

---