hum ishq mein hain fard to tum husn mein yakta
hum sa bhi nahin ek jo tum sa nahin koi

Lala Madhav Ram Jauhar

---

---

KHub-ru hain saikDon lekin nahin tera jawab
dilrubai mein ada mein naz mein andaz mein

Lala Madhav Ram Jauhar

---

---

tujh sa koi jahan mein nazuk-badan kahan
ye pankhuDi se honT ye gul sa badan kahan

Lala Madhav Ram Jauhar

---

---

wo lala-badan jhil mein utra nahin warna
shoale mutawatir isi pani se nikalte

Mahfuzur Rahman Adil

---

---

tafriq husn-o-ishq ke andaz mein na ho
lafzon mein farq ho magar aawaz mein na ho

Manzar Lakhnavi

---

---

gundh ke goya patti gul ki wo tarkib banai hai
rang badan ka tab dekho jab choli bhige pasine mein

Mir Taqi Mir

---

---

tumhaari aankhon ki tauhin hai zara socho
tumhaara chahne wala sharab pita hai

Munawwar Rana

---

---