bulbul to bahut hain gul-e-rana nahin koi
bimar hazaron hain masiha nahin koi
kaam aae bure waqt mein aisa nahin koi
tum kya ho zamane mein kisi ka nahin koi
hum ishq mein hain fard to tum husn mein yakta
hum sa bhi nahin ek jo tum sa nahin koi
tum kya karo qismat hi agar apni buri ho
taqdir ke likkhe ko miTata nahin koi
Ghazal
Bulbul to bahut hain gul-e-rana nahin koi
Lala Madhav Ram Jauhar