husn sab ko KHuda nahin deta
har kisi ki nazar nahin hoti

Ibn e Insha

---

---

husn bana jab bahti ganga
ishq hua kaghaz ki naw

Ibn-e-Safi

---

---

husn yun ishq se naraaz hai ab
phul KHushbu se KHafa ho jaise

Iftikhar Aazmi

---

---

us ke chehre ki chamak ke samne sada laga
aasman pe chand pura tha magar aadha laga

Iftikhar Naseem

---

---

afsurdagi bhi husn hai tabindagi bhi husn
hum ko KHizan ne tum ko sanwara bahaar ne

Ijtiba Rizvi

---

---

teri surat se kisi ki nahin milti surat
hum jahan mein teri taswir liye phirte hain

Imam Bakhsh Nasikh

---

---

tamam mazhar-e-fitrat tere ghazal-KHwan hain
ye chandni bhi tere jism ka qasida hai

Izhar Asar

---

---