apni hi tegh-e-ada se aap ghayal ho gaya
chand ne pani mein dekha aur pagal ho gaya

Muneer Niyazi

---

---

wah kya is gul-badan ka shoKH hai rang-e-badan
jama-e-abi agar pahna gulabi ho gaya

Muzaffar Ali Aseer

---

---

dil ke do hisse jo kar Dale the husn-o-ishq ne
ek sahra ban gaya aur ek gulshan ho gaya

Nooh Narvi

---

---

KHuda ke Dar se hum tum ko KHuda to kah nahin sakte
magar lutf-e-KHuda qahr-e-KHuda shan-e-KHuda tum ho

For fear of God, to you cannot, ascribe divinity
but joy divine, wrath divine, glory divine you be

Nooh Narvi

---

---

husn ke samajhne ko umr chahiye jaanan
do ghaDi ki chahat mein laDkiyan nahin khultin

Parveen Shakir

---

---

agar aa jae pahlu mein 'qamar' wo mah-e-kaamil bhi
do aalam jagmaga uTThenge dohri chandni hogi

Qamar Jalalvi

---

---

jalwa-gar bazm-e-hasinan mein hain wo is shan se
chand jaise ai 'qamar' taron bhari mahfil mein hai

Qamar Jalalvi

---

---