wo apne husn ki KHairaat dene wale hain
tamam jism ko kasa bana ke chalna hai
Ahmad Kamal Parwazi
mahakte phul sitare damakta chand dhanak
tere jamal se kitnon ne istifada kya
Ahmad Khayal
jis bhi fankar ka shahkar ho tum
us ne sadiyon tumhein socha hoga
Ahmad Nadeem Qasmi
ilahi kaisi kaisi suraten tu ne banai hain
ki har surat kaleje se laga lene ke qabil hai
Akbar Allahabadi
ye dilbari ye naz ye andaz ye jamal
insan kare agar na teri chah kya kare
this loveliness, this mischief, this style this beauty too
what can a person do save fall in love with you
Akbar Allahabadi
mujhi ko parda-e-hasti mein de raha hai fareb
wo husn jis ko kiya jalwa-afrin main ne
Akhtar Ali Akhtar
ek hi anjam hai ai dost husn o ishq ka
shama bhi bujhti hai parwanon ke jal jaane ke baad
Akhtar Muslimi