nakaam hain asar se duaen dua se hum
majbur hain ki laD nahin sakte KHuda se hum

Ahsan Marahravi

---

---

haya nahin hai zamane ki aankh mein baqi
KHuda kare ki jawani teri rahe be-dagh

Allama Iqbal

---

---

hoti nahin qubul dua tark-e-ishq ki
dil chahta na ho to zaban mein asar kahan

Altaf Hussain Hali

---

---

mang lun tujh se tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---

aqi hi kya raha hai tujhe mangne ke baad
bas ek dua mein chhuT gae har dua se hum

Amir Usmani

---

---

kyun nahin hote munajaton ke mani munkashif
ramz ban jata hai kyun harf-e-dua hum se suno

Anees Ashfaq

---

---

aate hain barg-o-bar daraKHton ke jism par
tum bhi uThao hath ki mausam dua ka hai

Asad Badayuni

---

---