zaban pe shikwa-e-be-mehri-e-KHuda kyun hai?
dua to mangiye 'atish' kabhi dua ki tarah

Aatish Bahawalpuri

---

---

ki jaise kunj-e-chaman se saba nikalti hai
tere liye mere dil se dua nikalti hai

Abrar Ahmad

---

---

KHudawanda karam kar fazl kar ahwal par mere
nazar kar aap par mat kar nazar afaal par mere

Abroo Shah Mubarak

---

---

takmil-e-arzu se bhi hota hai gham kabhi
aisi dua na mang jise bad-dua kahen

Abu Mohammad Sahar

---

---

abhi dilon ki tanabon mein saKHtiyan hain bahut
abhi hamari dua mein asar nahin aaya

Aftab Hussain

---

---

main kya karun mere qatil na chahne par bhi
tere liye mere dil se dua nikalti hai

Ahmad Faraz

---

---

aaKHir dua karen bhi to kis muddaa ke sath
kaise zamin ki baat kahen aasman se hum

Ahmad Nadeem Qasmi

---

---