اک چبھن ہے کہ جو بے چین کیے رہتی ہے
ایسا لگتا ہے کہ کچھ ٹوٹ گیا ہے مجھ میں

عرفان ستار

---

---

دل کو اس طرح دیکھنے والے
دل اگر بے قرار ہو جائے

جلال الدین اکبر

---

---

نہیں علاج غم ہجر یار کیا کیجے
تڑپ رہا ہے دل بے قرار کیا کیجے

جگر بریلوی

---

---

آ کہ تجھ بن اس طرح اے دوست گھبراتا ہوں میں
جیسے ہر شے میں کسی شے کی کمی پاتا ہوں میں

جگر مراد آبادی

---

---

دل پیار کی نظر کے لیے بے قرار ہے
اک تیر اس طرف بھی یہ تازہ شکار ہے

لالہ مادھو رام جوہر

---

---

رات جاتی ہے مان لو کہنا
دیر سے دل ہے بے قرار اپنا

لالہ مادھو رام جوہر

---

---

سمجھا لیا فریب سے مجھ کو تو آپ نے
دل سے تو پوچھ لیجیے کیوں بے قرار ہے

لالہ مادھو رام جوہر

---

---