jaan-ba-lab lamha-e-taskin meri qismat hai 'shamim'
be-KHudi phir mujhe diwana banati kyun hai

Sakhawat Shameem

---

---

chale to panw ke niche kuchal gai koi shai
nashe ki jhonk mein dekha nahin ki duniya hai

Shahab Jafri

---

---

kiya hai jab sin amal be-KHudi ke hakim ne
KHirad-nagar ki raiyat hui hai ru ba-gurez

Siraj Aurangabadi

---

---

niyaz-e-be-KHudi behtar namaz-e-KHud-numai sin
na kar hum puKHta-maghzon sin KHayal-e-KHam ai waiz

Siraj Aurangabadi

---

---

shah-e-be-KHudi ne ata kiya mujhe ab libas-e-barahnagi
na KHirad ki baKHiya-gari rahi na junun ki parda-dari rahi

Siraj Aurangabadi

---

---