KHwab mein nam tera le ke pukar uThta hun
be-KHudi mein bhi mujhe yaad teri yaad ki hai

Lala Madhav Ram Jauhar

---

---

yahan koi na ji saka na ji sakega hosh mein
miTa de nam hosh ka sharab la sharab la

Madan pal

---

---

e-KHudi le gai kahan hum ko
der se intizar hai apna

Mir Taqi Mir

---

---

yahi to kufr hai yaran-e-be-KHudi ke huzur
jo kufr-o-din ka mere yar imtiyaz raha

Mirza Ali Lutf

---

---

aankh paDti hai kahin panw kahin paDta hai
sab ki hai tum ko KHabar apni KHabar kuchh bhi nahin

Mohammad Ali Tishna

---

---

allah-re be-KHudi ki chala ja raha hun main
manzil ko dekhta hua kuchh sochta hua

Moin Ahsan Jazbi

---

---

gai bahaar magar apni be-KHudi hai wahi
samajh raha hun ki ab tak bahaar baqi hai

Mubarak Azimabadi

---

---