din raat mai-kade mein guzarti thi zindagi
'aKHtar' wo be-KHudi ke zamane kidhar gae

Akhtar Shirani

---

---

achchha KHasa baiThe baiThe gum ho jata hun
ab main aksar main nahin rahta tum ho jata hun

Anwar Shuoor

---

---

ai be-KHudi-e-dil mujhe ye bhi KHabar nahin
kis din bahaar aai main diwana kab hua

Arshad Ali Khan Qalaq

---

---

mohabbat nek-o-bad ko sochne de ghair-mumkin hai
baDhi jab be-KHudi phir kaun Darta hai gunahon se

Arzoo Lakhnavi

---

---

kitna mushkil hai KHud-baKHud rona
be-KHudi se riha kare koi

Asar Akbarabadi

---

---

aalam se be-KHabar bhi hun aalam mein bhi hun main
saqi ne is maqam ko aasan bana diya

Asghar Gondvi

---

---

e-KHudi kucha-e-jaanan mein liye jati hai
dekhiye kaun mujhe meri KHabar deta hai

Aziz Lakhnavi

---

---