shayad wo bhuli-bisri na ho aarzu koi
kuchh aur bhi kami si hai teri kami ke sath

Mustafa Shahab

---

---

aqi abhi hai tark-e-tamanna ki aarzu
kyun-kar kahun ki koi tamanna nahin mujhe

Muzaffar Ali Aseer

---

---

aarzu hai ki tu yahan aae
aur phir umr bhar na jae kahin

Nasir Kazmi

---

---

mujhe ye Dar hai teri aarzu na miT jae
bahut dinon se tabiat meri udas nahin

Nasir Kazmi

---

---

aDi aarzu thi hum ko nae KHwab dekhne ki
so ab apni zindagi mein nae KHwab bhar rahe hain

Obaidullah Aleem

---

---

is liye aarzu chhupai hai
munh se nikli hui parai hai

Qamar Jalalvi

---

---

maut aa jae qaid mein sayyaad
aarzu ho agar rihai ki

Rind Lakhnavi

---

---