dil-e-viran ko dekhte kya ho
ye wahi aarzu ki basti hai

Saifuddin Saif

---

---

aarzu hasrat aur ummid shikayat aansu
ek tera zikr tha aur bich mein kya kya nikla

Sarwar Alam Raz

---

---

hai husul-e-arzu ka raaz tark-e-arzu
main ne duniya chhoD di to mil gai duniya mujhe

Seemab Akbarabadi

---

---

kaTti hai aarzu ke sahaare pe zindagi
kaise kahun kisi ki tamanna na chahiye

Shaad Aarfi

---

---

tumhaari aarzu mein main ne apni aarzu ki thi
KHud apni justuju ka aap hasil ho gaya hun main

Shahzad Ahmad

---

---

muddat se aarzu hai KHuda wo ghaDi kare
hum tum piyen jo mil ke kahin ek ja shara

Shaikh Zahuruddin Hatim

---

---

khul gaya un ki aarzu mein ye raaz
zist apni nahin parai hai

Shakeel Badayuni

---

---