arman wasl ka meri nazron se taD ke
pahle hi se wo baiTh gae munh bigaD ke

Lala Madhav Ram Jauhar

---

---

taskin de sakenge na jam-o-subu mujhe
bechain kar rahi hai teri aarzu mujhe

Mahesh Chandra Naqsh

---

---

jine walon se kaho koi tamanna DhunDen
hum to aasuda-e-manzil hain hamara kya hai

Mahmood Ayaz

---

---

ahane aur bhi hote jo zindagi ke liye
hum ek bar teri aarzu bhi kho dete

Majrooh Sultanpuri

---

---

hamein bhi dekh ki hum aarzu ke sahra mein
khile hue hain kisi zaKHm-e-arzu ki tarah

Mohammad Deen Taseer

---

---

kisi ki tamanna nikalti rahi
meri aarzu hath malti rahi

Mubarak Azimabadi

---

---

milo milo na milo iKHtiyar hai tum ko
is aarzu ke siwa aur aarzu kya hai

Mubarak Azimabadi

---

---