kitab-e-arzu ke gum-shuda kuchh bab rakkhe hain
tere takiye ke niche bhi hamare KHwab rakkhe hain

Ghulam Mohammad Qasir

---

---

ye aarzu thi tujhe gul ke ru-ba-ru karte
hum aur bulbul-e-betab guftugu karte

Haidar Ali Aatish

---

---

aarzu teri barqarar rahe
dil ka kya hai raha raha na raha

Hasrat Mohani

---

---

hum kya karen agar na teri aarzu karen
duniya mein aur bhi koi tere siwa hai kya

Hasrat Mohani

---

---

wasl ki banti hain in baaton se tadbiren kahin
aarzuon se phira karti hain taqdiren kahin

Hasrat Mohani

---

---

KHwab, ummid, tamannaen, talluq, rishte
jaan le lete hain aaKHir ye sahaare sare

Imran-ul-haq Chauhan

---

---

ek bhi KHwahish ke hathon mein na mehndi lag saki
mere jazbon mein na dulha ban saka ab tak koi

Iqbal Sajid

---

---