na-umidi baDh gai hai is qadar
aarzu ki aarzu hone lagi

Dagh Dehlvi

---

---

nahin nigah mein manzil to justuju hi sahi
nahin visal mayassar to aarzu hi sahi

Faiz Ahmad Faiz

---

---

ye aarzu bhi baDi chiz hai magar hamdam
visal-e-yar faqat aarzu ki baat nahin

Faiz Ahmad Faiz

---

---

jab koi naujawan marta hai
aarzu ka jahan marta hai

Farooq Nazki

---

---

kisi se shikwa-e-mahrumi-e-niyaz na kar
ye dekh le ki teri aarzu to KHam nahin

Figar Unnavi

---

---

meri ye aarzu hai waqt-e-marg
us ki aawaz kan mein aawe

Ghamgeen Dehlvi

---

---

hikayat-e-ishq se bhi dil ka ilaj mumkin nahin ki ab bhi
firaq ki talKHiyan wahi hain visal ki aarzu wahi hai

Ghulam Husain Sajid

---

---