KHwahishon ne Dubo diya dil ko
warna ye bahr-e-be-karan hota

Ismail Merathi

---

---

thi chheD usi taraf se warna
main aur majal aarzu ki

Ismail Merathi

---

---

jaan-lewa thin KHwahishen warna
wasl se intizar achchha tha

Jaun Eliya

---

---

tumhaari yaad mein jine ki aarzu hai abhi
kuchh apna haal sambhaalun agar ijazat ho

Jaun Eliya

---

---

insan ki KHwahishon ki koi intiha nahin
do gaz zamin bhi chahiye do gaz kafan ke baad

Kaifi Azmi

---

---

teri wafa mein mili aarzu-e-maut mujhe
jo maut mil gai hoti to koi baat bhi thi

Khalilur Rahman Azmi

---

---

tamanna teri hai agar hai tamanna
teri aarzu hai agar aarzu hai

Khwaja Meer u0027Dardu0027

---

---