درد الفت کا نہ ہو تو زندگی کا کیا مزا
آہ و زاری زندگی ہے بے قراری زندگی

غلام بھیک نیرنگ

---

---

اے حفیظؔ آہ آہ پر آخر
کیا کہیں دوست واہ وا کے سوا

حفیظ جالندھری

---

---

ایک ایسا بھی وقت ہوتا ہے
مسکراہٹ بھی آہ ہوتی ہے

جگر مراد آبادی

---

---

ادھر سے بھی ہے سوا کچھ ادھر کی مجبوری
کہ ہم نے آہ تو کی ان سے آہ بھی نہ ہوئی

جگر مراد آبادی

---

---

آہ تو اب بھی دل سے اٹھتی ہے
لیکن اس میں اثر نہیں ہوتا

کرامت بخاری

---

---

ہم نے ہنس ہنس کے تری بزم میں اے پیکر ناز
کتنی آہوں کو چھپایا ہے تجھے کیا معلوم

مخدومؔ محی الدین

---

---

پوچھا اگر کسی نے مرا آ کے حال دل
بے اختیار آہ لبوں سے نکل گئی

مرزارضا برق ؔ

---

---