is qadar main ne sulagte hue ghar dekhe hain
ab to chubhne lage aankhon mein ujale mujh ko

Kamil Bahzadi

---

---

kya tere shahr ke insan hain patthar ki tarah
koi naghma koi payal koi jhankar nahin

Kamil Bahzadi

---

---

log bhopal ki tarif kiya karte hain
is nagar mein to tere ghar ke siwa kuchh bhi nahin

Kamil Bahzadi

---

---

talluq hai na ab tark-e-talluq
KHuda jaane ye kaisi dushmani hai

Kamil Bahzadi

---

---

gham-e-dauran gham-e-jaanan gham-e-uqba gham-e-duniya
'kanwal' is zindagi mein gham ke maron ko na chain aaya

kanval Dibaivi

---

---

hansi mein kaTti thin raaten KHushi mein din guzarta tha
'kanwal' mazi ka afsana na tum bhule na hum bhule

kanval Dibaivi

---

---

jis ne buniyaad gulistan ki kabhi Dali thi
us ko gulshan se guzarne nahin deti duniya

kanval Dibaivi

---

---