ye kis ne dur se aawaz di hai
fazaon mein abhi tak naghmagi hai
sitare DhunDte hain un ka aanchal
shamim-e-subh daman chumti hai
talluq hai na ab tark-e-talluq
KHuda jaane ye kaisi dushmani hai
rida-e-zulf mein guzri thi ek shab
magar aankhon mein ab tak nind si hai
meri taqdir mein bal paD rahe hain
teri zulfon mein shayad barhami hai
Ghazal
Ye kis ne dur se aawaz di hai
Kamil Bahzadi