'kanwal' KHushi ki hua karti hai yunhi takmil
gham-e-hayat ke har bahr-e-be-karan se guza

kanval Dibaivi

---

---

kuchh bujhi bujhi si hai anjuman na jaane kyun
zindagi mein pinhan hai ek chubhan na jaane kyun

kanval Dibaivi

---

---

zindagi gum na dosti gum hai
ye haqiqat hai aadmi gum hai

kanval Dibaivi

---

---

chand sanson ke liye bikti nahin KHuddari
zindagi hath pe rakkhi hai uTha kar le ja

Kanval Ziai

---

---

hamara daur andheron ka daur hai lekin
hamare daur ki muTThi mein aaftab bhi hai

Kanval Ziai

---

---

hamara KHun ka rishta hai sarhadon ka nahin
hamare KHun mein ganga bhi chanab bhi hai

Kanval Ziai

---

---

jis mein chhupa hua ho wajud-e-gunah-o-kufr
us mo'atabar libas pe tezab Dal do

Kanval Ziai

---

---