samna aaj ana se hoga
baat rakhni hai to sar de dena

Kalidas Gupta Raza

---

---

suragh-e-mehr-o-mohabbat ka DhunDiyo na kahin
ki un ki rakh hawa mein bikher aaya main

Kalidas Gupta Raza

---

---

zamana husn nazakat bala jafa shoKHi
simaT ke aa gae sab aap ki adaon mein

Kalidas Gupta Raza

---

---

ek dil hai ki ujaD jae to basta hi nahin
ek but-KHana hai ujDe to haram hota hai

Kamal Ahmad Siddiqi

---

---

kuchh log jo KHamosh hain ye soch rahe hain
sach bolenge jab sach ke zara dam baDhenge

Kamal Ahmad Siddiqi

---

---

mera KHayal nahin hai to aur kya hoga
guzar gaya tere mathe se jo shikan ki tarah

Kamal Ahmad Siddiqi

---

---

pursish-e-haal bhi itni ki main kuchh kah na sakun
is takalluf se karam ho to sitam hota hai

Kamal Ahmad Siddiqi

---

---