us ka to ek lafz bhi hum ko nahin hai yaad
kal raat ek sher kaha tha jo KHwab mein

Kamal Ahmad Siddiqi

---

---

zindagi nam isi mauj-e-mai-e-nab ka hai
mai-kade se jo uThe dar-o-rasan tak pahunche

Kamal Ahmad Siddiqi

---

---

ikhra bikhra hun ek muddat se
rafta rafta sanwar raha hun main

Kamal Jafari

---

---

hamesha aap ko samjha ki aap apne hain
hamesha aap ne samjha ki dusre hain hum

Kamal Jafari

---

---

qarib rah ki bhi tu mujh se dur dur raha
ye aur baat ki barson se tere pas hun main

Kamal Jafari

---

---

zalzala nepal mein aaya ki hindostan mein
zalzale ke nam se tharra uTha sara jahan

Kamal Jafari

---

---

ab to har waqt wahi itna rulata hai mujhe
jis ko jate hue main dekh ke ro bhi na saka

Kamil Akhtar

---

---