ghar ki wahshat se larazta hun magar jaane kyun
sham hoti hai to ghar jaane ko ji chahta hai

Iftikhar Arif

---

---

ghar se nikle hue beTon ka muqaddar malum
man ke qadmon mein bhi jannat nahin milne wali

Iftikhar Arif

---

---

hami bhi na the munkir-e-'ghaalib' bhi nahin the
hum ahl-e-tazabzub kisi jaanib bhi nahin the

Iftikhar Arif

---

---

hum apne raftagan ko yaad rakhna chahte hain
dilon ko dard se aabaad rakhna chahte hain

Iftikhar Arif

---

---

hum bhi ek sham bahut uljhe hue the KHud mein
ek sham us ko bhi haalat ne mohlat nahin di

Iftikhar Arif

---

---

hamein bhi aafiyat-e-jaan ka hai KHayal bahut
hamein bhi halqa-e-na-moatabar mein rakkha jae

Iftikhar Arif

---

---

hamein to apne samundar ki ret kafi hai
tu apne chashma-e-be-faiz ko sambhaal ke rakh

Iftikhar Arif

---

---