jawab aae na aae sawal uTha to sahi
phir is sawal mein pahlu nae sawal ke rakh

Iftikhar Arif

---

---

jo Dubti jati hai wo kashti bhi hai meri
jo TuTta jata hai wo paiman bhi mera hai

Iftikhar Arif

---

---

jo harf-e-haq ki himayat mein ho wo gum-nami
hazar waza ke nam-o-nishan se achchhi hai

Iftikhar Arif

---

---

karobar mein ab ke KHasara aur tarah ka hai
kaam nahin baDhta mazduri baDhti jati hai

Iftikhar Arif

---

---

kahan ke nam o nasab ilm kya fazilat kya
jahan-e-rizq mein tauqir-e-ahl-e-hajat kya

Iftikhar Arif

---

---

kahani mein nae kirdar shamil ho gae hain
nahin malum ab kis Dhab tamasha KHatm hoga

Iftikhar Arif

---

---

kahin kahin se kuchh misre ek-adh ghazal kuchh sher
is punji par kitna shor macha sakta tha main

Iftikhar Arif

---

---