hamin mein rahte hain wo log bhi ki jin ke sabab
zamin buland hui aasman ke hote hue

Iftikhar Arif

---

---

har ek se puchhte phirte hain tere KHana-ba-dosh
azab-e-dar-ba-dari kis ke ghar mein rakkha jae

Iftikhar Arif

---

---

har nai nasl ko ek taza madine ki talash
sahibo ab koi hijrat nahin hogi hum se

Iftikhar Arif

---

---

hua hai yun bhi ki ek umr apne ghar na gae
ye jaante the koi rah dekhta hoga

Iftikhar Arif

---

---

ek KHwab hi to tha jo faramosh ho gaya
ek yaad hi to thi jo bhula di gai to kya

Iftikhar Arif

---

---

is bar bhi duniya ne hadaf hum ko banaya
is bar to hum shah ke musahib bhi nahin the

Iftikhar Arif

---

---

jab 'mir' o 'mirza' ke suKHan raegan gae
ek be-hunar ki baat na samjhi gai to kya

Iftikhar Arif

---

---