karen to kis se karen na-rasaiyon ka gila
safar tamam hua ham-safar nahin aaya

Iftikhar Arif

---

---

KHak mein daulat-e-pindar-o-ana milti hai
apni miTTi se bichhaDne ki saza milti hai

Iftikhar Arif

---

---

KHazana-e-zar-o-gauhar pe KHak Dal ke rakh
hum ahl-e-mehr-o-mohabbat hain dil nikal ke rakh

Iftikhar Arif

---

---

KHud ko bikharte dekhte hain kuchh kar nahin pate hain
phir bhi log KHudaon jaisi baaten karte hain

Iftikhar Arif

---

---

khula fareb-e-mohabbat dikhai deta hai
ajab kamal hai us bewafa ke lahje mein

Iftikhar Arif

---

---

KHwab ki tarah bikhar jaane ko ji chahta hai
aisi tanhai ki mar jaane ko ji chahta hai

Iftikhar Arif

---

---

koi junun koi sauda na sar mein rakkha jae
bas ek rizq ka manzar nazar mein rakkha jae

Iftikhar Arif

---

---