dua ko hat uThate hue larazta hun
kabhi dua nahin mangi thi man ke hote hue

Iftikhar Arif

---

---

duaen yaad kara di gai thin bachpan mein
so zaKHm khate rahe aur dua diye gae hum

Iftikhar Arif

---

---

duniya badal rahi hai zamane ke sath sath
ab roz roz dekhne wala kahan se laen

Iftikhar Arif

---

---

Dub jaun to koi mauj nishan tak na batae
aisi naddi mein utar jaane ko ji chahta hai

Iftikhar Arif

---

---

ek charagh aur ek kitab aur ek ummid asasa
us ke baad to jo kuchh hai wo sab afsana hai

Iftikhar Arif

---

---

ek hum hi to nahin hain jo uThate hain sawal
jitne hain KHak-basar shahr ke sab puchhte hain

Iftikhar Arif

---

---

gham-e-jahan ko sharmsar karne wale kya hue
wo sari umr intizar karne wale kya hue

Iftikhar Arif

---

---