uland hathon mein zanjir Dal dete hain
ajib rasm chali hai dua na mange koi

Iftikhar Arif

---

---

dar-o-diwar itne ajnabi kyun lag rahe hain
KHud apne ghar mein aaKHir itna Dar kyun lag raha hai

Iftikhar Arif

---

---

dayar-e-nur mein tira-shabon ka sathi ho
koi to ho jo meri wahshaton ka sathi ho

Iftikhar Arif

---

---

dil kabhi KHwab ke pichhe kabhi duniya ki taraf
ek ne ajr diya ek ne ujrat nahin di

Iftikhar Arif

---

---

dil ke mabud jabinon ke KHudai se alag
aise aalam mein ibaadat nahin hogi hum se

Iftikhar Arif

---

---

dil pagal hai roz nai nadani karta hai
aag mein aag milata hai phir pani karta hai

Iftikhar Arif

---

---

dil un ke sath magar tegh aur shaKHs ke sath
ye silsila bhi kuchh ahl-e-riya ka lagta hai

Iftikhar Arif

---

---