main us gulshan ka bulbul hun bahaar aane nahin pati
ki sayyaad aan kar mera gulistan mol lete hain

Haidar Ali Aatish

---

---

main wo gham-dost hun jab koi taza gham hua paida
na nikla ek bhi mere siwa ummid-waron mein

Haidar Ali Aatish

---

---

mai-kade mein nashsha ki ainak dikhati hai mujhe
aasman mast o zamin mast o dar-o-diwar mast

Haidar Ali Aatish

---

---

mard-e-darwesh hun takiya hai tawakkul mera
KHarch har roz hai yan aamad-e-baalai ka

Haidar Ali Aatish

---

---

mast hathi hai teri chashm-e-siyah-mast ai yar
saf-e-mizhgan use ghere hue hai bhaalon se

Haidar Ali Aatish

---

---

mehndi lagane ka jo KHayal aaya aap ko
sukhe hue daraKHt hina ke hare hue

Haidar Ali Aatish

---

---

meri tarah se mah-o-mahr bhi hain aawara
kisi habib ki ye bhi hain justuju karte

Haidar Ali Aatish

---

---