koi but-KHane ko jata hai koi kabe ko
phir rahe gabr o musalman hain teri ghat mein kya

Haidar Ali Aatish

---

---

koi to dosh se bar-e-safar utarega
hazaron rahzan ummid-war rah mein hai

Haidar Ali Aatish

---

---

kufr o islam ki kuchh qaid nahin ai 'atish'
shaiKH ho ya ki barhaman ho par insan howe

Haidar Ali Aatish

---

---

kucha-e-yar mein ho raushni apne dam ki
kaba o dair karen gabr o musalman aabaad

Haidar Ali Aatish

---

---

ku-e-jaanan mein bhi ab is ka pata milta nahin
dil mera ghabra ke kya jaane kidhar jata raha

Haidar Ali Aatish

---

---

lage munh bhi chiDhane dete dete galiyan sahab
zaban bigDi to bigDi thi KHabar lije dahan bigDa

Haidar Ali Aatish

---

---

libas-e-kaba ka hasil kiya sharaf us ne
jo ku-e-yar mein kali koi ghaTa aai

Haidar Ali Aatish

---

---